АМЕРИКА ЖӘНЕ ОҢТҮСТІК КОРЕЯ ӘСКЕРІ-ЭКОНОМИКАЛЫҚ ҚАТЫНАСТАРДЫҢ ДАМУ ДИНАМИКАСЫ

Аннотация

Бұл мақала дипломатиялық, әскери және экономикалық аспектілерге назар аудара отырып, Америка Құрама Штаттары мен Корея Республикасы арасындағы екіжақты қарым-қатынастардың дамуын қарастырады. Мақалада «қырғи-қабақ соғыс» кезеңінен бүгінгі күнге дейінгі қарым-қатынастардың даму эволюциясын сипаттайтын тарихи контекст берілген және екі елдің қазіргі кездегі қиындықтары талданған. Зерттеу АҚШ-КР альянсының негіздерін және Американың сыртқы саясатының Оңтүстік Кореяның дамуына әсерін зерттеу үшін қосымша дереккөздерге және әдебиеттерге шолуға негізделген. Теориялық маңыздылық екіжақты серіктестіктің бастауын жақсырақ түсінуде, ал практикалық маңыздылық үш негізгі бағыттағы стратегиялық ынтымақтастықты бағалауда жатыр: саясат, әскери қорғаныс және экономикалық инвестиция. Мақала бұл одақтың екі елдің сыртқы саяси күн тәртібіне және аймақтық тұрақтылыққа қалай әсер еткенін талдау арқылы ғылыми білімге үлес қосуды мақсат етеді.

Негізгі нәтижелер Оңтүстік Кореяның Индо–Тынық мұхиты экономикалық тәртібінде белсенді рөл атқарғанын көрсетеді. Ол өз пайдасын барынша арттырып, тәуекелдерді азайту үшін ынтымақтастық пен «хеджирлеуді» (тәуекелден сақтану стратегиясын) үйлестіріп отыр. Зерттеу АҚШ–Оңтүстік Корея одағы жаңа типтегі одақтық саясатты білдіретінін растайды. Мұнда әскери күштен гөрі желілік байланыстар, өзара тәуелділік және стратегиялық экономикалық үйлесімділік басты рөл атқарады.

Бұл зерттеуде мемлекеттік негізгі стратегиялар мен жоғары лауазымды тұлғалардың сөздеріне сапалық және тарихи-салыстырмалы талдау, сондай-ақ сарапшылар зерттеулеріне шолу жасалды. Мақала халықаралық қатынастарды зерттейтін ғалымдарға, саясаткерлерге, экономистерге, дипломаттарға, сондай-ақ Корея мен АҚШ арасындағы қатынастарды зерттеп жүрген студенттер мен магистранттарға пайдалы болуы мүмкін.